Trajnimi "Drejt një mendësie sipërmarrëse" organizohet nga Universiteti i Elbasanit  “Aleksandёr Xhuvani” në kuadër të projektit EntrAL. Ky trajnim ështe  projektuar për stafin akademik te UE-se dhe ka për qëllim rritjen e ndërgjegjësimit për sipërmarrjen tek stafi akademik. Objektivi kryesor i këtij trajnimi është t’i japë stafit akademik të Universitetit aftësi të transferueshme dhe të sjellë një mentalitet sipërmarrës në universitet duke inkurajuar: sjelljen sipërmarrëse të stafit akademik, metodat e mësimdhënies sipërmarrëse, dhe mbështetjen e  krijimit të sipërmarrjeve të reja. 

Theksi i vihet mbështetjes dhe kultivimit të mentalitetit sipërmarrës të  stafit akademik të universiteteve, për t’u transferuar paskëtaj tek studentët e tyre,  si dhe në mjedisin e  mëtejshëm dhe shoqërinë përreth.

Kampi është programuar në 2 ditë, 22-23 Qershor 2023,  ora 10:00

Vendi: Universiteti i Elbasanit “Aleksandër Xhuvani”, Qendra LLL, Godina e Bibliotekës, Kati III