ફકરો-1
અજાણ્યા સ્થળે , અંધારી રાતે , વહાણમાં કે વિમાનમાં મુસાફરી કરતી વેળા લોકો દિશા નક્કી કરવા માટે હોકાયંત્ર નામનું સાધન વાપરે છે . આ સાધનમાં મુક્ત રીતે ફરી શકે તેવી ચુંબકીય સોયને ધરી ઉપર ગોઠવેલી હોય છે . હોકાયંત્રના ચંદા ઉપર જુદી જુદી દિશાઓ દર્શાવેલી હોય છે . હોકાયંત્રને ગોળ ફેરવીને તેની ચુંબકીય સોયનો ઉત્તરધ્રુવ ચંદા પર લખેલી ઉત્તર દિશા તરફ રહે તેવી ગોઠવણ કરવાથી એ સાચી દિશાઓ દર્શાવે છે . દિશા શોધવા માટે હોકાયંત્ર બહુ જાણીતું અને વ્યાપક રીતે વપરાતું સાધન છે .