O vindeiro 18 de novembro en horario de tarde está previsto levar a cabo o obradoiro "Ciberseguridade para familias: Sexting e Grooming".

Este obradoiro, que se desenvolverá de xeito telemático, realízase en colaboración coa entidade ADAFAD e ten como obxectivo transmitir os contidos necesarios para que as familias adquiramos unha axeitada percepción do risco asociado ao uso que as nosas fillas e fillos fan da Internet, así como das destrezas precisas para diminuír ese risco.

Se queres inscribirte neste obradoiro reserva a túa praza. Recibirás un correo de confirmación da praza e a información de onde se realizará e do protocolo para poder asistir.

Esta actividade está programada no marco do proxecto "O Sanjurjo con Lentes Violetas" e é financiada a través da subvención concedida pola Secretaria Xeral de Igualdade para proxectos executados polas ANPAS para a promoción da igualdade de xénero.