Следејќи го новиот начин на работа кој подразбира транспарентно и отчетно работење, Општина Кисела Вода одлучи да го поттикне граѓанското учество при планирањето на најзначајните проекти, со цел нивно вметнување во развојните програми и буџетот на општината. Преку проектот “Tвојата Идеа за подобра Општина”, Вие, како наши жители можете со своите идеи и предлози директно да учествувате во трансформацијата на Општината во модерно и урбано место за живеење.
Прашалникот подолу содржи неколку прашања преку кои ќе се лоцираат најголемите потреби и приоритетните проекти во сите 15 месни и урбани заедници од овој дел на градот.
Како и досега, изборот на предлог проектите ќе биде целосно транспарентен, а граѓаните покрај тоа што ќе можат да учествуваат во креирањето на развојниот концепт на Кисела Вода, ќе бидат активно вклучени во целиот процес на негова реализација.