Taflfélag Reykjavíkur mun halda glæsilegt skákmót í Viðeyjarstofu, í samstarfi við Borgarsögusafn, laugardaginn 9. júlí næstkomandi klukkan 13.
Þetta verður annað sinn sem mótið verður haldið. Í fyrra urðu Davíð Kjartansson og Ingvar þór Jóhannesson efstir.
Tefldar verða 9. umferðir með tímamörkunum 3+2 (3 mínútur á mann og 2 sekúndur á leik) og mótið er opið öllum. Teflt verður á annarri hæð Viðeyjarstofu.
Eftir 5. umferðir verður gert hlé á taflmennsku en þess má geta að glæsileg veitingasala er í Viðeyjarstofu.
Ekkert þátttökugjald er í mótið, en það þarf að borga sig inn í ferjuna til Viðeyjar:
Gjald í ferjuna fram og til baka eru 1.950 kr. fyrir fullorðna og 975 kr. fyrir börn 7 – 17 ára í fylgd fullorðinna. Börn 6 ára og yngri sigla frítt. Við minnum á að handhafar Menningarkorts Reykjavíkur fá 10% afslátt í Viðeyjarferjuna og handhafar Gestakortsins (Citycard.is) sigla frítt. Þátttakendur er hvattir til að kaupa miða á
elding.is.
Ferjan fer til að mynda samkæmt áætlun til Viðeyjar klukkan 12:15.
Hámarks keppendafjöldi er 50.
Verðlaun í mótinu:
15.000kr
10.000kr
5000kr
Oddastig í mótinu:
1. Bucholz -1
2. Bucholz
3. Sonneborn-Berger
4. Innbyrðis úrslit