A njihni biznese private të cilat:
• Kanë numër të barabartë të burrave dhe grave në stafin e tyre,
• Kanë ofruar mundësi të barabarta për burrat dhe gratë në vend të punës,
• Kanë bërë përpjekje për të rritur numrin e grave në punësim,
• Kanë rregullore të brendshme përmes të cilave promovojnë barazinë (duke e përfshirë por duke mos u kufizuar në pushimin prindor) dhe ndalojnë sjelljet diskriminuese,
• Nuk kanë aplikuar praktika diskriminuese në punën e tyre,
• Janë përfshirë në kampanja publike për promovimin e barazisë gjinore?

Instituti Demokraci për Zhvillim (D4D) me kënaqësi ju fton të nominoni bizneset e tilla private që operojnë në Kosovë për Çmimin e Barazisë. Qëllimi i çmimit është promovimi i barazisë gjinore në punësim në sektorin privat. Çmimi ndahet në kuadër të projekiti “Rritja e qasjes së grave në punësim” i financuar nga Ambasada e Mbretërisë Norvegjeze në Prishtinë.


Si të bëhet nominimi?
Nominimi bëhet duke plotësuar Google formën më poshtë.  Afati i fundit për nominim është data 20 qershor 2021.

Si do të bëhet përzgjedhja e fituesve?
Nga nominimet e pranuara do të krijohet një listë e ngushtë e cila do të shqyrtohet nga paneli vlerësues i cili njëkohësisht vendosë fituesit.

Ndarja e çmimeve do të bëhet në një ceremoni publike të organizuar nga Insitututi Demokraci për Zhvillim (D4D).