Femupo baixo un convenio de colaboración coa Consellería de Promoción de Emprego e Igualdade da Xunta de Galicia asume o desenvolvemento dun dos principais eixos do Plan Nacional de Corresponsables. Esta vía axudará a transformar en actividade laboral regulada o coidado de menores. Estamos a falar de avanzar para profesionalizar o sector dos coidados aos menores, cubrindo así dúas vertentes importantes: a da Conciliación, ampliando a oferta de persoas coidadoras de menores, e o da empregabilidade no sector coidados.
Con este cuestionario entrarás a formar parte do Plan Femupo para a formación da nova Titulación no coidado de menores, ademais de ter acceso a tódalas actividades e cursos que FEMUPO pon ó teu dispor.