ფორსეტი, Tactical Tech-თან პარტნიორობით, ახალგაზრდებს გიწვევთ ტრენერთა ტრენინგზე ციფრულ წიგნიერებაში.
ფორსეტი მონაცემთა კომუნიკაციაში სპეციალიზებული ქართული ორგანიზაციაა, Tactical Tech კი - ციფრულ და მედია წიგნიერებაზე მომუშავე გერმანული არასამთავრობო ორგანიზაცია. პროექტის მიზანი რეგიონულ საზოგადოებაში, განსაკუთრებით კი ახალგაზრდებსა და მშობლებში საბაზისო ციფრული უნარ-ჩვევების განვითარებაა.
ფორმატი და ვადები:
❑ 5 მაისი: რეგისტრაციის დასასრული
❑ 6 მაისი: შერჩევის პასუხები
❑ 8-9 მაისი: ტრენინგები ციფრულ უსაფრთხოებაში (პერსონალური მონაცემების დაცვა, უსაფრთხო ბრაუზინგი, უსაფრთხო მიმოწერა)
❑ 10-11 მაისი: ტრენინგები ციფრულ გავლენებში (ალგორითმები, დიზაინის ხრიკები)
❑ 12 მაისი - 5 ივნისი: ტრენერები დამოუკიდებლად ატარებენ ტრენინგს საკუთარ თემებში/რეგიონებში
*ყველა ტრენინგი ჩატარდება ონლაინ, Zoom-ში
მოთხოვნები:
❑ კონკურსის შედეგად, შეირჩევა 5 ტრენერი. აპლიკანტთა ასაკი შეზღუდული არ არის, თუმცა პრიორიტეტი მიენიჭება 18-25 წლის ახალგაზრდებს. ტრენერის გამოცდილება სავალდებულო არ არის, მაგრამ სასურველია.
❑ შერჩეულმა ტრენერმა, 5 ივნისამდე, დამოუკიდებლად უნდა ჩაატაროს ონლაინ ტრენინგი ციფრულ წიგნიერებაში, რომელსაც დაესწრება მინიმუმ 10 ახალგაზრდა ან/და მშობელი რეგიონებიდან. პრიორიტეტი მიენიჭება მაღალმთიან რეგიონებს. ტრენერები, ფორსეტისგან და Tactical Tech-ისგან, მიიღებენ მასალას პრეზენტაციისთვის და აქტივობებისთვის.
-----------------
შესარჩევი ტრენერების რაოდენობა: 5
ჰონორარი: 200 ევრო (თანხას გამოაკლდება გადასახადები და მიიღებთ მას შემდეგ, რაც ტრენინგს ჩაატარებთ.)
აპლიკაციის შევსების ბოლო ვადა: 5 მაისი
შეკითხვებისთვის, მოგვწერეთ: lizi@forset.ge ან miranda@forset.ge