Protocolo COVID-19.
Ningúnha persoa usuaria, que presente síntomas poderá entrar no servizo. Deben facilitar un teléfono de contacto actualizado para urxencias por se teñen que recoller ao neno ou nena. No caso de acollida con ou sen almorzo, deben achegar o/a neno/a ata o propio comedor e agardar a que o/a xefe de servizo confirme a recepción.
A aplicación dos protocolos de acceso, de hixiene, de organización do espazo interior no comerdor e da entrega de comidas e utensilios, faise seguindo o PROTOCOLO de ADAPTACIÓN ao CONTEXTO da COVID-19 nos CENTROS de ENSINO non UNIVERSITARIOS de GALICIA para o curso 2020 - 2021 da Consellería de Educación da Xunta de Galicia.

Outras informacións relacionadas co/s servizo/s:

Sendo os servizos solicitados unha actividade extraescolar xestionada pola ANPA/FAPA Ourense, os/as socios/as da mesma terán unha bonificación no custo dos servizos, sempre que a ANPA do seu centro teña delegado o/s servizo/s na Federación de ANPA de Centros Públicos As Burgas Ourense (en adiante FAPA Ourense), con anterioridade ao 01/06/2018.

Para solicitar a bolsa de comedores da Concellería municipal de Benestar Social (Concello de Ourense) debe reservar previamente a sua praza de comedor con este impreso.

Para que a reserva de praza se complete debe entragar a DOCUMENTACIÓN OBRIGATORIA (antes mencionada)

Para optar a praza dos servizos todo persoa usuaria terá que estar ó dia nos pagos anteriores.

Todo usuario do/s servizo/s terá as mesmas condicións, incluso os bolseiros do Concello de Ourense.

O custo dos servizos será igual aos 10 meses do curso escolar. Neste prorrateo do custo dos servizos, inclúense os meses de setembro e de xuño. Só os nenos de 4º de infantil en período de adaptación, teñen a opción, para o mes de setembro, de pagar os días que queden no servizo de comedor, como usuario esporádico.

Todos os/as usuarios/as que non comecen o 1º mes do curso (setembro), ou se den de baixa antes do último mes do curso (xuño) aplicaráselles o prorrateo proporcional na cota do servizo.

Para darse de baixa dos servizos, terán que notificalo por escrito a FAPA Ourense antes do día 20 do mes anterior. Esta baixa ocasionará a perda da praza. Non se perde a praza nos casos de prescrición médica.

FAPA Ourense ou a empresa que desenrola os servizos, xirará o recibo de pago ao número de conta facilitado pola persoa solicitante. Os recibos cobraranse entre o día 1 e 5 do mes correspondente.

Os custos de devolución dos recibos de cargo dos servizos será de 6€ por recibo.

A falta de pago, sen xustificar, do recibo mensual dalgún servizo, será causa de baixa como usuario/a.

Tódolos usuarios (nais, pais ou titores legais) deberán ser coñecedores do regulamento interno do comedor, que o facilitará a súa ANPA, o cal é de obrigado cumplimiento. Tamén pode ser consultado na páxina web de FAPA Ourense, www.fapaourense.es.

Diariamente o responsable de comedores cumprimentará un parte de incidencias no que se inclue o comportamento dos usuarios, temperaturas, etc., o cal se poderá consultar a través da ANPA ou de FAPA Ourense.
Na páxina web de FAPA Ourense informarase diariamente do servizo de comedor con fotografías dos pratos servidos, valoración de calqueira incidente acontecido, valoración do estado da comida así como das suxestións ou percepcións que o supervisor de FAPA Ourense detectase, tanto a nivel de empresa, de usuarios de comedor ou dos/as monitores/as do mesmo.

FAPA As Burgas Ourense non se fai responsable das consecuencias e perxuizos que ocasionen as decisións que tomen as autoridades das administracións públicas competentes en canto á prestación e duración dos servizos de ACOLLIDA, ALMORZO e COMEDOR, se deciden suspender estes servizos por mor da pandemira de COVID-19