Сябры, у аўторак 14 чэрвеня запрашаем вас на анлайн-zoom-семінар па стварэнні асабістага плана чытання беларускай літаратуры з вядомай даследчыцай, настаўніцай, пісьменніцай Ганнай Севярынец.
Шмат хто з тых беларусаў, хто вырашыў паглыбляцца ў беларускую культуру, аднойчы вырашае, што вельмі павярхоўна са школы ведае беларускую літаратуру, і задумваецца, з чаго б пачаць запаўняць белыя плямы ў гэтай галіне? За што б найперш узяцца, якія кнігі абавязкова трэба прачытаць? Ці пачаць перачытваць школьную праграму, якую ў свой час чыталі павярхоўна і ўрыўкамі, ці наадварот, спачатку ўзяцца за тое, што не праходзілі ў той праграме.
Што з даволі немалой беларускай літаратурнай спадчыны трэба абавязкова прачытаць кожнаму беларусу? А што дадаткова пачытаць пажадана? У якой паслядоўнасці пабудаваць свой план чытання беларускай літаратуры? І што па-беларуску можна знайсці з Вашага ўлюблёнага літаратурнага жанру? На ўсе гэтыя пытанні паспрабуе адказаць нашая вядомая вядоўца спадарыня Ганна ў гэтым семінары
Пачатак а 20-й гадзіне. Рэгістрацыя праз гэтую гугл-форму.
Унёскі за семінар 10 бел руб. (пры пераводзе онлайн з падаткамі 12 руб.)
Тое, якім чынам можна будзе зрабіць аплату, а таксама zoom-спасылка прыйдзе на пакінутыя Вамі кантакты (калі ласка, каб не прапусціць інфармацыю, пакідайце як мін. 2 кантакты, а калі пакідаеце е-мэйл, абавязкова напярэдадні вандроўкі правярайце "спам").
Семінар будзе запісвацца і пры жаданні можна будзе на тых жа ўмовах паглядзець яго ў запісу.
У выніку семінару будзе створаная суполка, якая пачне чытаць і абмякоўваць прачытанае, а спадарыня Ганна па магчымасці зможа перыядычна далучацца да абмеркавання.
Атрымаць усю дадатковую інфармацыю вы можаце па наступных кантактах:
+ 375-44-5386283 (Валерыя),
+375-25-5458430 (viber),
электронная пошта:
bielkultura@gmail.comтэлеграм @liusterka .