(See English version of the program below)

Þriðja árið í röð standa Íslenski ferðaklasinn og Ferðamálastofa að viðburðinum Iceland Travel Tech. Með viðburðinum er ætlunin að tengja saman tækniaðila og ferðaþjónustu.

Viðburðurinn í ár fer fram þann 3.júní frá 13:00-16:00 og verður haldin bæði í rafheimum en einnig í raunheimum en heimili IcelandTravelTech verður Gróska, nýsköpunar og hugmyndahús í Vatnsmýrinni.

Í ár er sérstök áhersla á að tengja saman og læra af nágrönnum okkar á norðurlöndunum og mun viðburðurinn fara fram á ensku.

Ferðamálastofa og Íslenski Ferðaklasinn hafa fengið til liðs við sig frábæra fyrirlesara sem munu fjalla um allt frá notkun Tik Tok í markaðsstarfi til bálkakeðja og hvernig þær geta aukið traust ferðamanna til áfangastaða. Meðal fyrirlesara verða Ása Steinarsdóttir sem veitir fyrirtækjum um víða veröld ráðgjöf um notkun samfélagsmiðla í markaðssetningu, Anthony Day frá IBM,  Robyn Phaedra Mitchell frá Hybrid Hospitality, Haukur Birgisson frá Godo og Filip Gielda frá Visit Greenland sem mun segja frá nýrri norrænni upplýsingaveitu fyrir ferðaþjónustuaðila. Þá mun Tryggvi Hjaltason frá CCP einnig fjalla um upplifunarhönnun og hvað ferðaþjónustan getur lært af tölvuleikjahönnuðum, hvernig við stýrum mögulegri hegðun og hvernig við nýtum notendaupplýsingar og gögn til að þróa enn betur upplifun og þjónustu.

Ásamt þessum dúndurerindum hér að ofan munum við fá að heyra frá nokkrum tæknifrumkvöðlum sem segja stuttlega frá sínum lausnum og þróun til aukinnar sjálfvirkni.

Frábær dagskrá sem er öllum að kostnaðarlausu en skráning er nauðsynleg. Í ljósi rýmkaðra takmarkana á samkomum hvetjum við þá sem hafa tök á að mæta í Grósku til að koma og eiga skapandi eftirmiðdag í raunheimum.



Short version in english:
IcelandTravelTech is a joint venture between the Icelandic Tourist Board and Iceland Tourism Cluster. It aims to increase focus on digitization in the tourism industry and to provide both travel industry and tech partners with a platform where they can meet, discuss and showcase challenges and solutions.