«Սինոփսիս» ուսումնական ծրագրով ՀԱՊՀ Գյումրու մասնաճյուղի բակալավրիատի 3–րդ կուրսում ուսանողների ընդունելության համար կատարվում է նախնական հայտագրում։ Հայտագրվել կարող են Հայաստանի բոլոր բուհերի ֆիզիկամաթեմատիկական, տեխնիկական և հարակից մասնագիտությունների բակալավրիատի 2-րդ կուրսի ուսանողները։ Հայտագրումը բաց է նաև բարձրագույն կրթություն ունեցողների համար, ովքեր կցանկանան վերաորակավորվել «Սինոփսիս» կրթական ծրագրով՝ բակալավրիատի 3–րդ կուրսից։
Ընտրությունը կատարվելու է հարցազրույցի միջոցով՝ «Սինոփսիսի» մասնագետների կողմից։
Հարցազրույցի փուլը հաջողությամբ հաղթահարած և տեղափոխման համար անհրաժեշտ առարկայական տարբերությունները հանձնած ուսանողները կհրամանագրվեն ՀԱՊՀ Գյումրու մասնաճյուղի բակալավրիատի 3–րդ կուրսում՝ «Սինոփսիս» ուսումնական ծրագրի «Էլեկտրոնիկա» մասնագիտությամբ։
Հայտերի ընդունման վերջնաժամկետն է՝ 31.05.2019
Հարցերով կարող եք գրել ՀԱՊՀ ԳՄ Ֆիզիկամաթեմատիկական ամբիոնի վարիչ Գ.Դեմիրճյանին՝
fizmat_gyumri@polytechnic.am հասցեով։
