XOVES 16 | 16.30 a 19.30 h | ZONA C
Carlos Losilla lanza un órdago fronte ao canon tradicional do cinema. Pregúntase por que teimamos en contar a historia do cine nun sentido lineal e progresivo, cando sabemos que as películas máis ben se amorean e mesturan nas nosas lembranzas.
E convídanos a ir máis aló: pódese pensar en abolir esa historia, ou imaxinar unha antihistoria, para demostrar que son as películas que aínda non vimos as que influirán decisivamente á hora de reinventar as que vimos na nosa infancia?
Neste obradoiro, Losilla propón trocar unha historia do cinema por un relato do mesmo, é dicir, abandonar o gran discurso totalizador por unha ollada máis fragmentaria, transversal e melancólica.
Hai vinte prazas dispoñibles para esta actividade que se desenvolverá o xoves 16 de novembro, de 16.30 a 19.30 horas na Zona C.
Faite coa túa praza!