В20. З двух
прыназоўнікаў, прапанаваных у дужках у пятым сказе, вызначце той, які павінен
быць ужыты. Запішыце гэты прыназоўнік.
(1)Калі глянуць на вёску знізу, то выразна ўбачыш у нябеснай яснасці побач
з абрысамі дрэў стрэхі з комінамі. (2)Стрэхі ішлі роўненька, адна за адной.
(3)Былі яны высокія, у асноўным шыферныя. (4)А вось коміны на кожнай тырчэлі
розныя. (5)Невядома чаму, але людзі (ў, ва) ўсёй вёсцы комін на сваёй страхе
хацелі бачыць не такім, як у суседа. (6)І добра, што печнікі, Валуй з
Парэпкам,– яны адны складалі на вёсцы печы, пліты і пячныя грубкі – былі
людзі з выдумкай.
(7)Адзін комін вылазіў на страху шырокі і прысадзісты, ён быў важны,
як і яго гаспадар. (8)Другі вытыркаўся доўгай і тонкай жалезнай
трубой і выгляд меў такі, быццам упершыню трапіў на гэты свет і застыў у
нямым здзіўленні. (9)У трэцяга над трубой можна ўбачыць прышлёпнуты шырокі
брыль. (10)Валюхоўскія коміны былі візітнай карткай вёскі.