Enplegua pertsonen bizitzako gai garrantzitsuenetako bat da, baita egungo gizartearen arazo handienetako bat ere. Osasun krisiaren aurretik ere hala zen, eta are gehiago izango da krisi ekonomikoa iristen denean.

Hori guztia are larriagoa da gazteei buruz hitz egiten badugu; izan ere, gero eta gehiago kostatzen zaigu lan-merkatuan sartzea eta egonkortasun ekonomiko jakin bat izateko moduko baldintzetan egitea, zoritxarrez, utopia bat da: behin-behinekotasuna, soldata txikiak, gazteen langabezia edo gehiegizko kualifikazioa oztopo dira gure bizi-proiektu bati ekiteko ahaleginean.

Aldi baterako kontratuak bata bestearen atzetik kateatuta?
Zure prestakuntza ez al da sartzen zaren lanpostura egokitzen?
Zure soldata ez da 1.000 eurora iristen?
Enplegu-erregulazioko espedienteen ondoren lanpostua galdu duzu?

Enpleguarekin lotutako errealitate hau edo beste batzuk bizitzea egokitu bazaizu, konta iezaguzu eta esaguzu nola konponduko zenituzkeen.

ENTZUTEN DIZUGU!