Í ár standa Stelpur rokka! að stórum, alþjóðlegur rokkbúðum á Hvanneyri fyrir 18-30 ára ungmenni, í samstarfi við 11 önnur rokkbúðasamtök víðsvegar um Evrópu.

Rokkbúðirnar eru hluti af verkefninu Music Empowerment Mobility & Exchange (MEME), sem styrkt er af Erasmus+, samstarfsáætlun ESB. Markmið þess er að valdefla og styrkja skapandi samstarfsbönd milli ungmenna í Evrópu, ekki síst ungmenna sem búa við færri tækifæri af ýmsum orsökum.

Af þeim sökum er ekkert þátttökugjald í alþjóðlegu rokkbúðirnar. Ferðir, gisting, máltíðir og öll dagskrá er þátttakendum að kostnaðarlausu. (Þó er alltaf möguleiki á að styrkja verkefnið með fjárframlögum ef þess er óskað).

Takmarkaður fjöldi plássa er í búðirnar.

Í forgangi verða ungmenni sem alla jafna eiga ekki kost á að taka þátt í starfi sem þessu, t.d. vegna fjárhagsstöðu, félagslegrar stöðu, fötlunar, andlegra veikinda eða erfiðleika, eða annars.

Búðirnar eru ennfremur ætlaðar:
*Stelpum og konum (sískynja og trans)
*Trans strákum og trans körlum
*Kynsegin einstaklingum og intersex einstaklingum
*Fólki sem upplifir hindranir og býr við færri tækifæri í tónlistarheiminum og samfélaginu almennt, sökum kyns eða kyntjáningar

Búðirnar (öll aðstaða, gisting og dagskrá) verða aðgengilegar fyrir fólk með hreyfihömlun.
Aðstoðarfólk þátttakenda er að sjálfsögðu velkomið.
Stelpur rokka! geta jafnframt, í samráði við þátttakendur, ráðið reynt aðstoðarfólk til starfa í búðirnar til að styðja við þátttöku einstaklinga, sé þess þörf.

Reynt verður eftir fremsta megni að koma til móts við ólíkar þarfir þátttakenda, í fullu samráði við viðkomandi.

Hér má finna meiri upplýsingar um rokkbúðirnar og MEME Vol. 2 verkefnið: http://stelpurrokka.is/meme-vol-2
Og hér (á ensku): https://docs.google.com/document/d/1_BCjkpLFH3KGvpmaslKt1KFpbQLkSyt2vSNV2OeO9C4/edit?usp=sharing

Einnig má senda póst á audur@stelpurrokka.is fyrir nánari upplýsingar!