Cómpre ter entre 18 e 25 anos e dispoñibilidade para ver durante o festival a selección de filmes que serán sometidos a avaliación (arredor de 20). Non poderán participar nesta convocatoria aquelas persoas que xa formaran parte dalgún dos Xurados Novos de Compostela Cultura.
O xurado comporá un palmarés que se fará público na derradeira xornada do CINEUROPA37 e que incluirá as seguintes categorías:
- Mellor Película
- Mellor Dirección
- Mellor Guión
- Mellor Interpretación Feminina
- Mellor Interpretación Masculina
As persoas integrantes do xurado terán acceso libre a todas as sesións previa retirada de invitación, sempre e cando a capacidade das salas o permita.